ABDULLA ORIPOV POETIKASINING O‘ZIGA XOSLIGI
She’r – ko‘ngil mulki. Shoir o‘zining nafis qalami bilan yurakdan bitilmish qog‘ozi yonida yolg‘iz qolar ekan, albatta, ilhom qanotida parvoz qiladi. Bilaks, bu holat sodir bo‘lmas ekan, uning asari o‘rtamiyona asardan nariga qanchalik urinsa ham, o‘ta olmaydi. Modomiki shunday ekan,ijodkor she’r yozayotganda uni ich-ichidan his qilib, har bir so‘zni zanjirdek tizib yozmog‘i, unga bor-buduni bermog‘i lozim. Zero, atoqli adib Asqad Muxtor: “Ijod dardi yo‘l azobidir” – deya bejiz aytmagan. Yo‘l azobi qanchalik qiyin, mashaqqatli bo‘lsa, ijod dardi ham xuddi shunchalik zahmatlidir.