Гингивитларни фитотерапия усулида даволаш

Сурункали тарқоқ катарал гингивити бўлган 8 дан 15 ёшгача бўлган 19 нафар болаларга исириқ ўти билан фитотерапия ўтказилди. Препарат ҳар куни 20 минутдан 1% сувли эритма сифатида апликация қилинган. 89,5% текширилганларда сурункали тарқоқ катарал гингивит аниқланган бўлиб, бунда парадонтал индекс (ПИ) 1,8 га тенг бўлган. 1/3 дан кўпрок текширилганларда ўрта ва оғир даражали зарарланиш аниқланган. Аниқландики яллиғланиш бўлмаганда милклар электробиопотенциали ўртача 1,3 мкВ бўлган, гингивитларда бу кўрсатгич 2 мартадан ошган. Парадонтал ва гигиеник индекслари (ПИ, ГИ) кўрсаткичларининг аниқ пасайиши, парадонт микроциркуляциясининг яхшиланиши ҳолати, 1% исириқ ўтининг сувли экстракти кучли яллиғланишга қарши таъсири борлигини билдириб гигивитларни самарали даволашда қўлланилиши мумкин.