SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
54
DAVLAT ADABIYOT MUZEYIDA SAQLANAYOTGAN
XVI-XVII ASRGA OID ADABIY MANBALAR TAVSIFI
Shirinova Nargiza Nuriddin qizi
Alisher Navoiy nomidagi Toshkent davlat oʻzbek tili va
adabiyoti universitetining 2-kurs doktoranti
Tel:99 837-88-18
Email: shirinovanargiza1605@gmail.com
https://doi.org/10.5281/zenodo.11653855
Annotatsiya:
Ushbu maqolada Alisher Navoiy nomidagi Davlat Adabiyot
muzeyida saqlanayotgan XVI-XVII asrga oid noyob manbalar haqida qisqacha
ma’lumot berilgan.
Аннотация:
В данной статье представлена краткая информация об
уникальных источниках XVI и XVII веков, хранящихся в Государственном
литературном музее имени Алишера Навои.
Abstract:
This article provides brief information about unique sources of
the 16th and 17th centuries kept in the State Literary Museum named after
Alisher Navoi.
Kalit so‘zlar:
qo‘lyozma, matn, so‘g‘d tili, toshbosma, matnshunos,
nasta’liq, devon, suls, kulliyot, tadqiqot, manbashunos.
Ключевые слова:
рукопись, текст, согдийский язык, петроглиф,
текстолог, насталик, диван, сулс, куллиет, исследование, источниковед
Key words:
manuscript, text, Sogdian language, petroglyph, textologist,
nastaliq, divan, suls, kulliyot, research, source scholar.
Bizga ma’lumki, qadim-qadimdan yurtimiz yuksak adabiy bilimga ega
daholar o‘lkasi hisoblangan. Ota-bobolarimizdan bizga meros bo‘lib qolgan juda
ko‘plab adabiy manbalar bor. Ularni o‘rganish va tadqiq etib keng ommaga
yetkazish bugungi kundagi dolzarb ilmiy masalalardandir. Mamlakatimiz
mustaqillikka erishgandan keyin ilgari o‘rganish taqiqlangan manbalarni tadqiq
etish uchun keng imkoniyat paydo bo‘ldi. Ularni ilmiy-tadqiqot doirasiga kiritib,
olingan natijalarni keng jamoatchilikka taqdim etish adabiyot ilmining, xususan,
manbashunoslik va matnshunoslikning ustuvor vazifalaridan biridir. Ayni
paytda, bu adabiyotimiz tarixida mavjud bo‘lib kelayotgan muayyan kemtiklikni
to‘ldirishi ham shubhasizdir. Zero, adabiy-tarixiy manbalarni o‘rganish boy
o‘tmishimizning bizga noma’lum sahifalarini ochishda, adabiy matn va
talqindagi xatolarni tuzatishda muhim ahamiyat kasb etadi. Birinchi
prezidentimiz I.A.Karimov ta’kidlaganidek, “Beshafqat davr sinovlaridan omon
qolgan eng qadimgi toshyozuvlar, bitiklardan tortib, bugun kutubxonalarimiz
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
55
xazinasida saqlanayotgan 20 mingdan ortiq qo‘lyozma asarlar bizning beqiyos
ma’naviy boyligimiz, iftixorimizdir... Ota-bobolarimizning asrlar davomida
to‘plagan hayotiy tajribalari, diniy-axloqiy, ilmiy qarashlarini o‘zida mujassam
etgan bu nodir qo‘lyozmalarni jiddiy o‘rganish davri keldi.”
1
Endilikda madaniy
an’analarni tiklash, dunyo svilizatsiyasiga katta hissa qo‘shgan buyuk
ajdodlarimizning ulkan merosiga murojaat qilish kuchaymoqda.
Qo‘lyozma manbalar bilan ishlovchi manbashunos va matnshunos oldida
qo‘lyozma manbani o‘rganish bilan bog‘liq bir qancha qiyinchilik turadi. Ulardan
biri yozuv murakkabligidir. O‘rta va Markaziy Osiyo xalqlarining o‘tmishdan
qolgan yozma manbalari turli alifbolarda bitilgan bo‘lib, o‘sha chog‘larda
ishlatilgan yozuvlarning ko‘pi hozir unutilgan. Tadqiqotchi o‘sha yozuvni bilmay
turib, asar ustida izlanish olib borolmaydi.
Demak, manbashunos birinchi galda, eski yozuvlarni o‘qiy olmog‘i va
matnni ilmiy transkripsiyaga o‘gira olmog‘i lozim. Boshqa bir qiyinchilik, yozma
manbaning tilini tushuna ola bilishdir. Markaziy Osiyo xalqlari tomonidan
yaratilgan yozma manbalar turli tillarda: Islom davrida yaratilgan eski turkiy til,
arabiy va forsiyda. Yodgorlik orasida hatto sug‘d, qadimgi xorazmiy singari o‘lik
tillarda yaratilgan asarlar ham bor. Bundan tashqari, yodgorlik turkiy tilda
bo‘lsa-da uning yaratilgan davri bilan oramizni uzoq muddat ajratib turadi.
O‘tgan davrdagi til ham o‘zgarib ketgan. Mutaxassis yozma yodgorlikni tadqiq
etishi uchun uning tilini ham bilishi zarur. Anglashiladiki, mutaxassis asar
bitilgan yozuvni o‘qiy olsa, shuningdek, uning tilini yaxshi bilsagina matn
bo‘yicha tadqiqot olib borishi mumkin.
Shunday ekan, adabiy merosimizni o‘rganish va bir joyga yig‘ish bugungi
kunning asosiy talab va ehtiyojlaridandir. Bugungi kunda ajdodlarimizdan
qolgan noyob manbalar yurtimizda joylashgan turli qo‘lyozma fondlarida,
kutubxonalarda saqlanmoqda. Shunday fondlardan biri Alisher Navoiy nomidagi
Davlat adabiyot muzeyidir. U O‘zbekiston shoir va yozuvchilarining boy
qo‘lyozma merosi saqlanadigan fondlariga ega bo‘lgan Respublikaning yirik
ilmiy-tadqiqot va ma’rifat markazi hisoblanadi. Bu muzey o‘zining
matnshunoslik va manbashunoslik sohasidagi ilmiy salohiyati bilan
mamlakatimizda yetakchi ilmiy muassasa sifatida ma’lum. Bu muzeyda
qo‘lyozma manbalarni yig‘ish uchun arxeologik ekspeditsiyalar tashkil etilgan va
aholidan qo‘lyozma va toshbosma kitoblarni sotib olish ishlari yo‘lga qo‘yilgan.
Natijada 1978-yilga kelib muzey fondida 10.000 ga yaqin qo‘lyozma va
toshbosma asarlar aholidan sotib olingan. Bu ishga filologiya fanlari doktori,
1
Каримов.И.А. Янгича фикрлаш ва ишлаш-давр талаби.-Т.: Ўзбекистон,1997.-Б. 111-112 б
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
56
professor H.S.Sulaymonov boshchilik qildi. Keyinchalik bu ishlarni Saidbek
Hasanov davom ettirdi. U to‘plangan qo‘lyozma manbalarga qayta ishlov berish
ishlarini ham yo‘lga qo‘ydi. Bu ish uchun maxsus olimlar guruhlari tuzildi.
Ularning sa’y-harakatlari bilan bu fond 2000 ga yaqin qo‘lyozma va toshbosma
kitoblar bilan boyidi. Bu noyob manbalar ichida Sa’diy Sheroziyning 1636-yili
ko‘chirilgan kulliyoti, Abdurahmon Jomiyning “Tuhfatul ahror” qo‘lyozmasining
1578-yili ko‘chirilgan nusxasi, Nizomiy Ganjaviyning XVI asrga oid “Maxzan ul-
asror”i, Xusrav Dehlaviyning 1575-yilda ko‘chirilgan “Xamsa”si, Fig‘oniy, Nozim
Xiraviy, Abdullo Hotifiy, Husayn al-Koshifiy, Temurshoh Afg‘oniy va boshqa
shoir va yozuvchilari qo‘lyozma asarlarining qadimiy nusxalari ham mavjuddir.
Qo‘lyozma va toshbosma asarlar orasida salmog‘i jihatidan tabiiyki, Hazrat
Navoiy asarlari nusxalari yetakchilik qiladi. Qo‘lyozmalari 67 ta, toshbosma va
foto nusxalar 72 tani tashkil qiladi. Alisher Navoiyning boy va serqirra ijodiy
merosini har tomonlama chuqur o‘rganish, va uning o‘lmas asarlarini yurtimizda
va xorijiy mamlakatlarda keng targ‘ib qilish hamda xotirasini abadiylashtirish
borasida qator ishlar amalga oshirilmoqda
2
.
Adabiyotga oid qo‘lyozmalar muzey xazinasining katta bir qismini tashkil
qiladi. Bu yerda o‘zbek va fors-tojik adabiyotining mashhur namoyondalari bilan
bir qatorda hali o‘rganilmagan yoki kam o‘rganilgan asarlarning qo‘lyozmalari
ham bor. Bular jumlasiga Mavlono Xoja Qozi Rizoiy Payvandiyning “Qush tili”
asari, Nosir Xo‘janing “Layli va Majnun” dostoni, Xojazoda Ahmad Hilmiyning
naqshbandiya tariqatiga oid “Hadiqat ul-avliyo”, Shohidiyning mavlaviylik
tariqatiga bag‘ishlangan “Gulshani tavhid”, Sulton Muhammad Balxiyning
“Majma’ ul-g‘aroyib” asarlari qo‘lyozma nusxalarini kiritish mumkin.
3
Bu noyob
manbalarni o‘rganish va butun xalqni ular haqidagi qimmatli ma’lumotlardan
xabardor
qilish
bugungi
kundagi
matnshunos
va
manbashunos
tadqiqotchilarning muhim vazifalaridandir. Biz ushbu maqolada Alisher Navoiy
nomidagi Davlat adabiyot muzeyida saqlanayotgan manbalar, xususan, XVI-XVII
asrga oid qo‘lyozma manbalar haqida to‘xtalib o‘tmoqchimiz.
Alisher Navoiy nomidagi Davlat Adabiyot muzeyida saqlanayotgan XVI-
XVII asrga oid turkiy qo‘lyozmalar
T\r Muallifi
Asar nomi
Asr
Inventar
raqami
Tili
2
Ўзбекистон Республикаси Президентининг 2020-йил 19-октябрдаги ПҚ-4865-сон қарори. Буюк шоир ва
мутафаккир Алишер Навоий таваллудининг 580 йиллигини кенг нишонлаш тўғрисида.
3
Ҳасанова Ш. Алишер Навоий номидаги Давлат адабиёт музейининг қўлёзмалар каталоги.-Т.: Фирдавс-
Шоҳ,2022.-Б. 4-б.
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
57
1.
Alisher Navoiy G‘aroyib
us-
sig‘ar
1528-yil 26
Turkiy
2.
Alisher Navoiy G‘aroyib
us-
sig‘ar
XVI asr
665
Turkiy
3.
Alisher Navoiy Navoiy devoni
(Terma
devon)
1529-yil 98
Turkiy
4.
Alisher Navoiy Navoiy devoni
(Terma
devon)
XVI asr
18
Turkiy
5.
Alisher Navoiy Nazm
ul-
javohir
XVI asr
boshi
8/II
Turkiy
6.
Alisher Navoiy Nazm
ul-
javohir
XVI asr
10
Turkiy
7.
Bobo Fig‘oniy Devon
XVI asr
41
Turkiy
8.
Mashrab
Mashrab
devoni.
XVII asr 431/XXIII Turkiy
9.
Zahiriddin
Muhammad
Bobur
Mubayyin
1522-yil
103
Turkiy
Endi ba’zi turkiy qo‘lyozmalarning ilmiy tavsifiga to‘xtalamiz o‘tamiz.
1.
Navoiy devoni (Terma devon)
4
:
XVI asrdagi kitobat san’atining eng
yaxshi namunalaridan biridir. Sarg‘ish rangli, nafis, ipakdan yasalgan Samarqand
qog‘ozidan foydalanilgan. She’rlar qora siyohda, mayda nozik nasta’liq xatida
ko‘chirilgan. Sarlavhalar Suls xatida yozilgan bo‘lib, havorang va oltin suvi
yuritilgan siyohda ko‘chirilgan. Matn 2 ustunda 25 qatordan joylashtirilgan
hamda oltin suvli chiziqlar bilan o‘ralgan.
Muallifi:
Alisher Navoiy.
Kotibi:
Pir Muhammad ibn Shayx Tohir Tabriziy.
Muqovasi:
teridan
ishlangan,
bezakli.
Hajmi:
167 varaq
O‘lchami:
15,5x24,5 sm
2.
Nazm ul-javohir
5
:
Navvotrang, ipakdan yasalgan Hirot qog‘oziga
juda chiroyli nozik Hirot nasta’liq xatida yozilgan. Matn qora siyohda,
4
Navoiy devoni (Terma devon). Inv:98
5
Nazm ul-javohir. Inv:8/II
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
58
sarlavhalar, she’riy parchalar va arab tilidagi hadislar qizil rang bilan yozilgan.
Manba nasr va nazmdan tashkil topgan bo‘lib, nasriy matn har sahifaga 15
satrdan, nazm ham 15 misradan 2 ustun shaklida yozilgan bo‘lib, zarhal jadvalga
olingan. Har asarning boshlanishida mahorat bilan ishlangan lavhlar bor. Unda
oltin suvi va turli ranglardan foydalanilgan.
Muallifi:
Alisher
Navoiy.
Hajmi:
33 varaq
O‘lchami:
11x19 sm
3.
Mubayyin
6
:
Matn qalin, sarg‘ish rangli Sharq qog‘oziga bitilgan.
Chiroyli nasta’liq xatida dona-dona qilib yozilgan. Matn qora siyohda,
sarlavhalari esa qizil siyohda yozilgan bo‘lib, oltin suvi ham yuritilgan. Matn
she’riy yo‘lda 2 ustun shaklida yozilgan bo‘lib, ayrim joylari jadvalga ham
olingan. Qo‘lyozmaning ba’zi varaqlari qayta tiklangan. Boshqalari esa ancha
titilib ketgan.
Muallifi:
Zahiriddin Muhammad Bobur.
Hajmi:
147 varaq
O‘lchami:
13x18 sm
4.
Devon
7
:
Matn qaymoqrang qog‘ozga chiroyli nasta’liq xatida
ko‘chirilgan. Ushbu devonda alifbo tartibiga rioya qilinmagan. Qo‘lyozma she’r
mazmuniga oid miniatyura va juda chiroyli bezalgan lavh bilan boshlanadi. Matn
zarhal chiziqli jadvalga olingan.
Muallifi:
Bobo Fig‘oniy
Hajmi:
21 varaq
O‘lchami:
11x20 sm
Davlat Adabiyot muzeyida saqlanayotgan XVI-XVII asrga oid fors-tojik
tilidagi qo‘lyozmalar
T\r
Muallifi
Asar nomi
Asr
Inventar
raqami
Tili
1.
Nizomiy Ganjaviy Maxzan
ul-
asror
XVI
46
Fors-tojik
2.
Noma’lum
Sharhi “Mahzan
ul-asror”
XVII
39
Fors-tojik
3.
Nizomiy Ganjaviy Iskandarnoma
1590-
yil
52/II
Fors-tojik
6
Mubayyin. Inv:103
7
Devon. Inv:41
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
59
4.
Shayx
Muslihiddin
Sa’diy Sheroziy
Kulliyoti Sa’diy 1638-
yil
1
Fors-tojik
5.
Shayx
Muslihiddin
Sa’diy Sheroziy
“Bo‘ston”i
Sa’diy
1616-
yil
238
Fors-tojik
6.
Amir
Xisrav
Dehlaviy
“Devon”i Amir
Xisrav Dehlaviy
XVII
54
Fors-tojik
7.
Amir Sayyid Ali
bin Shahobiddin
bin Muhammad
al-Hamadoniy
Zahirat
ul-
muluk
XVI
82
Fors-tojik
8.
Shamsiddin
Muhammad Hofiz
Sheroziy
Devoni Hofiz
XVI
7/II
Fors-tojik
9.
Muallifi
noma’lum
Muqaddima
XVI
7/I
Fors-tojik
10.
Mir Og‘o Malik
ibn
Jamoliddin
Feruz
Ko‘hiy
Shohiy
Sabzavoriy
Shohiy devoni
1659-
yil
50
Fors-tojik
11. Kamol Xo‘jandiy
Devoni Kamol
Xo‘jandiy
1603-
yil
20
Fors-tojik
12.
Jomiy
Devoni Jomiy
“Fotihat
ush-
shabob”
XVI
101
Fors-tojik
13. Abdurahmon
Jomiy
Haft avrang
XVII
24
Fors-tojik
14. Abdurahmon
Jomiy
“Silsilat
uz-
zahab”i Jomiy
XVII
67
Fors-tojik
15. Abdurahmon
Jomiy
Yusuf
va
Zulayho
1681-
yil
409/I
Fors-tojik
16. Abdurahmon
Jomiy
Tuhfat ul-ahror 1578-
yil
3
Fors-tojik
17.
Nuriddin
Abdurahmon
Risolayi
Muammoyi
XVI
38/II
Fors-tojik
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
60
Jomiy
Mutavassat
18. Husayn Voiz al-
Koshifiy
Suhayl nurlari 1522-
yil
203
Fors-tojik
19.
Husayn
Voiz
Koshifiy
“Javohir
ut-
tafsir tuhfatun
lil-amir”
XVI
657
Fors-tojik
20
Ali
Safiy
bin
Husayn Voiz al-
Koshifiy
Rashahot aynul
hayot
1503-
yil
33/III
Fors-tojik
21.
Ali
Safiy
bin
Husayn Voiz al-
Koshifiy
Rashohat aynul
hayot
1589-
yil
694
Fors-tojik
22. Fig‘oniy
Devoni Fig‘oniy XVI
41
Fors-tojik
23
Husayn
bin
Sayfuddin Ali
Kitobi
muammo
1555-
56-
yillarda
40
Fors-tojik
24. So‘fi Olloyor
Maslak
ul-
muttaqiyn
XVII
520
Fors
25.
Tug‘ro
Bahor
madhiyasi
XVII
asrga
oid
409/VI
Fors-tojik
26.
Tug‘ro
Mullo
Tug‘roning
Jannat
bog‘i
tavsifi
XVII
asrga
oid
409/IX
Fors-tojik
27.
Shaydo
Devoni Shaydo
XVII
asrga
oid
376
Fors-tojik
28.
Hofiz,Qosim
Devona, Soyib
She’rlar
(G‘azallaridan
iborat)
XVII
237/II
Fors-tojik
29.
Nizomiy, Jomiy,
Xisrav,Umidiy,
Sa’diy, Hotifiy
Bayoz
XVI-
XVII
asr
29
Fors-tojik
30.
Davlatshoh
bin
Alouddavla
Baxtishoh
al-
Tazkirat ush-
shuaro
XVI-
XVII
104
Fors-tojik
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
61
G‘oziy
as-
Samarqandiy
asr
31.
Husayn
bin
Muhammad
al-
Husayniy
Kitobi
muammo
1587-y
38/I
Fors-tojik
32 Abdulloh Ansoriy Risolayi Shayx
Abdulla
Ansoriy
XVII
121/VI
Fors-tojik
33.
Noma’lum
Samarqand va
Iroq
bo‘ylab
sayohat
XVII
121/V
Fors-tojik
34 Muhammad Iysor
at-Tabriziy
Mehr
va
Mushtariy
1591-
yil
55
Fors-tojik
35
Shamsiddin
Muhammad Hofiz
Sheroziy
Devoni Hofiz
XVI-
XVII
381/VI
Fors-tojik
36 Jomiy
“Nafohat
ul-
uns”i Jomiy
1541-
yil
31
Fors-tojik
Endi ushbu fors-tojik tilidagi qo‘lyozmalarning ba’zilari haqida biroz to‘xtalib
o‘tamiz.
1.
Iskandarnoma
8
:
bu
asar Nizomiy “Xamsa”sining oxirgi dostonidir.
Asar 2 qismdan iborat: birinchisi “Sharafnoma”, ikkinchisi “Xiradnoma” deb
nomlangan.
Ushbu qo‘lyozma novvotrang Hirot qog‘oziga chiroyli nasta’liq
xatida ko‘chirilgan. Matnlar qora siyoh bilan sarlavhalar esa qizil siyohda
yozilgan. Matn har sahifaga 4 ustun shaklida joylashtirilgan bo‘lib, havorang va
zarhal chiziqlar bilan o‘ralgan. Har ustun bir-biridan ajratilgan. Poygirlari
hamma sahifada mavjud. Markazida va burchaklarida zarhal naqshlari bor.
Muallifi:
Nizomiy Ganjaviy
Kotibi:
Qutbiddin Muhammad
Muqovasi:
qora kartondan ishlangan bo‘lib, havorang ipak matodan jild
qilingan
Hajmi:
77 varaq
O‘lchami:
16x24 sm
8
Inv: 52/II
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
62
2.
Kulliyoti Sa’diy
9
:
ushbu qo‘lyozma chiroyli, mayda nasta’liq xati
bilan sahifalarga qiyalatib 1 ustun shaklida bitilgan bo‘lib, zarhal va ko‘k rangli
jadval bilan o‘ralgan. Qora va qizil siyohdan foydalanilgan. Arabcha sonlar bilan
raqamlangan. Bu qo‘lyozmaga muallifning quyidagi asarlari ketma-ketlikda
kiritilgan:
“Debocha”, “Guliston”, “Bo‘ston”, “Qasoidi forsiy”, “Al-tarji’”, “Kitobi
tayyibot”, “Kitob ul-marosiy”, “Kitob ul-mullaot”, “Kitobi badoyi’”, “Kitobi xavotim”,
“Kitobi g‘azaliyoti qadim”, “Sohibati Shayx Sa’diy”, “Kitobi muzohikot”, “Hazliyot”.
Qo‘lyozmadagi yirik asarlarning boshlanishida oltin suvi, qora va ko‘k ranglar
bilan asar nomlari o‘rtasida bitilgan juda chiroyli lavhlar bor. Har asar
boshlangan birinchi sahifa zarhal va turli ranglar bilan chizilgan bezaklarga ega.
Boshi va oxirida bir necha bo‘sh varaqlar bor.
Muallifi:
Shayx Muslihiddin Sa’diy Sheroziy
Kotibi:
Abdul Muznab Sa’id bin Ahmad.
Muqovasi:
qizil rangli charmdan tayyorlangan bo‘lib, oltindan o‘yib
ishlangan naqshlari bor.
Hajmi:
443 varaq
O‘lchami:
16x26,5 sm
3.
“Devon”i Amir Xusrav Dehlaviy
10
:
Qalin Samarqand qog‘ozidan
foydalanilgan. Juda go‘zal mayda nasta’liq xatida yozilgan. Matn qizil siyoh bilan
2 qator qilib yozilib, och ko‘k va zarhal rangli qizil chiziqlar bilan o‘ralgan.
So‘nggi sahifadagi matn o‘chib ketgan. Ushbu qo‘lyozma turli xil hajmdagi
she’rlardan tashkil topgan. Ayrim to‘rtliklar “latifa”, “alhijo” (satira) deb
nomlangan.
Muallifi:
Amir Xusrav Dehlaviy
Muqovasi:
qalin kartondan ishlangan bo‘lib, ustida matodan jild qilingan
Hajmi:
165 varaq
O‘lchami:
24,5x14,5 sm
4.
Zahirat ul-muluk
11
:
Matn novvotrang Sharq qog‘oziga juda go‘zal
nasta’liq xati bilan yozilgan. Matnlarni yozishda qora siyohdan ayrim o‘rinlarda
esa qizil siyohdan foydalanilagan. Atrofi zarhal va ko‘k rangli chiziqlar bilan
o‘ralgan. Asar juda chiroyli ishlangan unvon bilan bezatilgan bo‘lib, kirish va 10
bobdan iborat. Asarda muallifning nomi to‘liq ko‘rsatilmagan.
Muallifi:
Amir Sayyid Ali bin Shahobiddin bin Muhammad al-Hamadoniy.
Kotibi:
Kamol al-Farg‘oniy.
Muqovasi:
oltin suvi yuritilgan naqshli, to‘q ko‘k rangli charmdan ishlangan.
9
Inv:1
10
Inv:54
11
Inv:82
SOLUTION OF SOCIAL PROBLEMS IN
MANAGEMENT AND ECONOMY
International scientific-online conference
63
Hajmi:
207 varaq
O‘lchami:
13x21 sm
Xulosa o‘rnida shuni aytish kerak-ki, bu manbalarni tadqiq qilish va ularni
ilm ahllariga yetkazishda matnshunos-tadqiqotchilardan juda katta bilim va
sinchkovlik talab qilinadi. Bu manbalar zamirida hali o‘rganilmagan bilimlar
yashiringan. Bu manbalar oradan ancha vaqt o‘tgan bo‘lsa-da o‘z davri tarixi,
badiyati haqida bizni xabardor qiladi.
Foydalanilgan adabiyotlar:
1.
Каримов.И.А. Янгича
фикрлаш
ва ишлаш-давр талаби.-Т.:
Ўзбекистон,1997
2.
Ўзбекистон Республикаси Президентининг 2020-йил 19-октябрдаги
ПҚ-4865-сон қарори.
3.
Ҳасанова Ш. Алишер Навоий номидаги Давлат адабиёт музейининг
қўлёзмалар каталоги .-Т.: Фирдавс-Шоҳ,2022.
4.
O‘zbekiston FA Alisher Navoiy nomidagi Davlat Adabiyot muzeyi
qo‘lyozma asarlar fondi: Inv. №98
5.
O‘zbekiston FA Alisher Navoiy nomidagi Davlat Adabiyot muzeyi
qo‘lyozma asarlar fondi: Inv:8/II
6.
O‘zbekiston FA Alisher Navoiy nomidagi Davlat Adabiyot muzeyi
qo‘lyozma asarlar fondi: Inv:103
7.
O‘zbekiston FA Alisher Navoiy nomidagi Davlat Adabiyot muzeyi
qo‘lyozma asarlar fondi: Inv:41
8.
O‘zbekiston FA Alisher Navoiy nomidagi Davlat Adabiyot muzeyi
qo‘lyozma asarlar fondi: Inv: 52/II
9.
O‘zbekiston FA Alisher Navoiy nomidagi Davlat Adabiyot muzeyi
qo‘lyozma asarlar fondi: Inv:1
10.
O‘zbekiston FA Alisher Navoiy nomidagi Davlat Adabiyot muzeyi
qo‘lyozma asarlar fondi: Inv:54
11.
O‘zbekiston FA Alisher Navoiy nomidagi Davlat Adabiyot muzeyi
qo‘lyozma asarlar fondi: Inv:82
