ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 9 / UIF:8.2 / MODERNSCIENCE.UZ
162
HUDUDLAR INVESTITSION JOZIBADORLIGI MUAMMOLARI VA ULARNI HAL
QILISH YO‘LLARI (NAVOIY VILOYATI MISOLIDA)
Musayev Jamshid Kaxramonovich
O‘zbekiston Respublikasi Bank
-moliya akademiyasi magistranti.
https://doi.org/10.5281/zenodo.17117075
Annotatsiya.
Ushbu maqolada hududlarning investitsion jozibadorligi masalalari,
ularning iqtisodiy rivojlanishga ta’siri va mavjud muammolar ilmiy
-nazariy hamda amaliy
jihatdan tahlil qilingan. Tadqiqot obyekti sifatida O‘zbekistonning iqtisodiy salohiyati yuqori
bo‘lgan hududlaridan biri —
Navoiy viloyati tanlandi. Viloyatning tabiiy resurslari, ishlab
chiqarish quvvatlari, geostrategik joylashuvi va kadrlar potensiali uning investitsion
jozibadorligini belgilovchi asosiy omillar sifatida ko‘rib chiqildi. Shu bilan birga, tadqiqot
jarayonida mavjud muammolar
–
infratuzilmaning yetarli darajada rivojlanmaganligi,
energetika va transport-
logistika tizimidagi cheklovlar, byurokratik to‘siqlar, moliyalashtirish
manbalarining cheklanganligi, innovatsion faoliyatning sustligi va ekologik xatarlar aniqlab
berildi. Maqolada ushbu muammolarni hal etish bo‘yicha qator takliflar ilgari surilgan: davlat
-
xususiy sheriklik asosida infratuzilma modernizatsiyasini jadallashtirish, investitsion
jarayonlarda “yagona oynali” tizimni keng joriy etish orqali tartib
-taomillarni soddalashtirish,
xalqaro moliya institutlari bilan hamkorlikni kuchaytirish hamda kichik va o‘rta biznes uchun
kredit va grant mexanizmlarini kengaytirish. Shuningdek, viloyat sanoatida innovatsion
texnologiyalarni tatbiq etish, ilmiy-tadqiqot muassasalari va ishlab chiqarish korxonalari
o‘rtasida hamkorlikni kuchaytirish hamda ekologik xavfsizlikni ta’minlashga qaratilgan “yashil
iqtisodiyot” dasturlarini kengaytirish zarurligi ta’kidlandi.
Kalit so‘zlar:
Hududlar investitsion jozibadorligi, Navoiy viloyati, iqtisodiy salohiyat,
xorijiy investitsiyalar, mahalliy investitsiyalar, infratuzilma muammolari, transport-logistika,
moliyalashtirish mexanizmlari, davlat-
xususiy sheriklik, byurokratik to‘siqlar, innovatsion
texnologiyalar, kadrlar salohiyati, ekologik xavfsizlik, yashil iqtisodiyot, erkin iqtisodiy zona.
Abstract.
This article analyzes the issues of investment attractiveness of regions, their
impact on economic development and existing problems from a scientific, theoretical and
practical perspective. Navoi region, one of the regions of Uzbekistan with high economic
potential, was selected as the object of research. The natural resources, production capacities,
geostrategic location and human resources potential of the region were considered as the main
factors determining its investment attractiveness. At the same time, the research identified
existing problems - insufficient development of infrastructure, restrictions in the energy and
transport-logistics systems, bureaucratic obstacles, limited sources of financing, weak innovative
activity and environmental risks. The article puts forward a number of proposals to solve these
problems: accelerating infrastructure modernization on the basis of public-private partnerships,
simplifying procedures through the widespread introduction of a "single window" system in
investment processes, strengthening cooperation with international financial institutions, and
expanding credit and grant mechanisms for small and medium-sized businesses. It was also
emphasized the need to introduce innovative technologies in the regional industry, strengthen
cooperation between research institutions and manufacturing enterprises, and expand "green
economy" programs aimed at ensuring environmental safety.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 9 / UIF:8.2 / MODERNSCIENCE.UZ
163
Keywords:
Investment attractiveness of regions, Navoi region, economic potential,
foreign investments, local investments, infrastructure problems, transport and logistics,
financing mechanisms, public-private partnership, bureaucratic obstacles, innovative
technologies, human resources potential, environmental safety, green economy, free economic
zone.
Kirish:
Mamlakatimizda iqtisodiy islohotlarning yangi bosqichida hududlarning
investitsion jozibadorligini oshirish masalasi ustuvor yo‘nalishlardan biri sifatida belgilanmoqda.
Investitsion muhitni yaxshilash nafaqat mahalliy ishlab chiqarish salohiyatini
rivojlantirish, balki yangi ish o‘rinlarini yaratish, aholi farovonligini oshirish va xalqaro
bozorlarda raqobatbardosh mahsulot ishlab chiqarishni kengaytirish imkonini beradi. Shu bois
hududlar iqtisodiy salohiyatini kompleks rivojlantirish, mavjud resurslardan oqilona foydalanish
va zamonaviy infratuzilmani yaratish davlat siyosatining muhim tarkibiy qismi hisoblanadi.
Navoiy viloyati O‘zbekistonning sanoat markazlaridan biri bo‘lib, yirik kon
-metallurgiya
majmuasi, kimyo sanoati korxonalari va erkin iqtisodiy zonalari bilan ajralib turadi. Viloyatning
tabiiy resurslari, geostrategik joylashuvi va sanoat quvvatlari uni yirik investitsiyalarni jalb qilish
uchun qulay hudud sifatida ko‘rsatadi. Shu bilan birga, investitsion jarayonlarda hali ham hal
etilishi lozim bo‘lgan qator muammolar –
infratuzilma cheklovlari, moliyalashtirish
mexanizmlarining yetarli darajada rivojlanmaganligi, innovatsion faoliyatning sustligi va
ekologik xavfsizlik masalalari mavjud. Mazkur maqolada aynan shu muammolarni ilmiy asosda
o‘rganish va ularni bartaraf etish bo‘yicha takliflar ishlab chiqish maqsad qilib qo‘yilgan.
Mavzuga oid adabiyotlar sharhi.
O‘zbekistonlik olimlar ham hududiy investitsion
jozibadorlik masalalarini chuqur tadqiq etganlar. Jumladan, Nadirkhanov U. S. (2021) o‘z
izlanishlarida mamlakatda investitsion muhitni rivojlantirishda mavjud muammolarni aniqlab,
ularni hal qilish yo‘llarini taklif etgan. U, xususan, xorijiy sarmoyadorlar uchun huquqiy
kafolatlarni mustahkamlash va soddalashtirilgan tartiblarni joriy etish masalasini dolzarb deb
biladi. Shuningdek, Amonboev Mahamasiddiq (2018) esa fond bozori va investitsion
infratuzilma masalalarini tahlil qilib, kapital bozorlarini rivojlantirish orqali iqtisodiyotga
investitsiya oqimini ko‘paytirish mumkinligini asoslab bergan. N. E. Anvarovich (2023) hududiy
investitsion jozibadorlikni oshirish yo‘llariga e’tibor qaratib, ayniqsa mahalliy sharoitlarga
moslashtirilgan tavsiyalar ishlab chiqqan. Osiyo mintaqasida olib borilgan tadqiqotlar ham
diqqatga sazovordir.
Han-
Sol Lee (Janubiy Koreya, 2022) o‘z ilmiy ishida MDH davlatlari, jumladan
O‘zbekiston bo‘yicha Koreya kapitalining kirib kelishiga ta’sir qiluvchi motivatsiyalarni tahlil
qilib, asosan resurslarga boylik va bozor hajmi omillariga urg‘u bergan. Shu bilan birga, Sergey
U. Chernikov (Rossiya, 2022) va Szabolcs Nagy (Vengriya, 2022) Markaziy Osiyo va MDH
mamlakatlari bo‘yicha xorijiy investitsiya oqimlarini empirik ravishda tahlil qilib, institutsional
omillar, iqtisodiy barqarorlik va siyosiy muhitning jozibadorlikka kuchli ta’sir ko‘rsatishini
isbotlaganlar.
Markaziy Osiyo davlatlari kesimida esa K. K. Nurasheva (Qozog‘iston, 2024) kapital
oqimlari va investitsion jozibadorlikni qiyosiy o‘rgangan bo‘lib, barqaror makroiqtisodiy siyosat
va huquqiy muhitning muhimligini alohida ta’kidlagan.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 9 / UIF:8.2 / MODERNSCIENCE.UZ
164
Rossiyalik olimlar ham bu borada faol tadqiqotlar olib borishgan. Masalan, E. Mitrofanov
(2021) Volga federal okrugi hududlari misolida investitsion jozibadorlik modellarini ishlab
chiqib, infratuzilma va transport-
logistika tizimining sarmoyador qarorlariga katta ta’sirini ochib
bergan. D. V. Shcherbakova (2019) esa Rossiya hududlari bo‘yicha investitsion jozibadorlikni
belgilovchi omillarni tahlil qilib, byurokratiya darajasi, soliq tizimi va huquqiy shaffoflikning hal
qiluvchi ahamiyatga ega ekanini ko‘rsatgan.
Yevropa va Osiyo tadqiqotchilari qatorida Vyetnamlik H. T. Nguyen (2024) ham Osiyo-
Tinch okeani mamlakatlarida xorijiy investitsiyalar va bandlik o‘rtasidagi o‘zaro bog‘liqlikni
o‘rgangan. U, asosan, FDI yangi ish o‘rinlarini yaratishda muhim bo‘lsa
-da, mehnat bozorining
sifat ko‘rsatkichlari kuchli bo‘lmasa, maksimal samara berolmasligini isbotlab bergan. Le A. N.
(Yaponiya/Osiyo, 2023) esa siyosiy barqarorlik va xorijiy investitsiyalar oqimlari o‘rtasidagi
murakkab munosabatlarni tahlil qilib, faqat barqaror siyosiy muhit emas, balki samarali hukumat
va iqtisodiy ochiqlik ham muhim ekanini ta’kidlagan.
AQShlik tadqiqotchilar orasida J. Smith (2020) xorijiy investitsiyalar va hududiy
iqtisodiy o‘sish o‘rtasidagi bog‘liqlikni solishtirma tadqiq qilib, investitsiyalar oqimi ko‘pincha
sanoati rivojlangan va resurslari boy hududlarda yuqori bo‘lishini ilmiy asoslab bergan.
Umuman olganda, oxirgi yillarda olib borilgan ushbu tadqiqotlar hududiy investitsion
jozibadorlikning shakllanishida infratuzilma, huquqiy shaffoflik, siyosiy barqarorlik, resurslar,
bozor hajmi, kadrlar salohiyati va innovatsion imkoniyatlar eng asosiy omillar sifatida qayta-
qayta tilga olinayotganini ko‘rsatadi. Bu esa Navoiy viloyati singari iqtisodiy salohiyati yuksak
hududlarda jozibadorlikni oshirish uchun aniq strategiyalar ishlab chiqishda ilmiy asos bo‘lib
xizmat qiladi.
Tadqiqot metodologiyasi.
Ushbu tadqiqotda hududlarning investitsion jozibadorligini
baholash uchun ilmiy-
analitik yondashuv qo‘llanildi. Avvalo, mavzuga oid nazariy adabiyotlar,
xorijiy va mahalliy olimlarning ishlari tahlil qilinib, investitsion jozibadorlikni belgilovchi
omillar tasniflandi. Tadqiqotda iqtisodiy nazariya, hududiy rivojlanish konsepsiyalari hamda
xalqaro investitsiya oqimlari haqidagi ilmiy yondashuvlar asosiy metodologik poydevor sifatida
qo‘llanildi. Metodologiyaning ikkinchi bosqichida statistik va qiyosiy tahlil usullaridan
foydalanildi. So’ngi yillar davomida Navoiy viloyatida amalga oshirilgan to‘g‘ridan
-
to‘g‘ri
xorijiy investitsiyalar hajmi, yangi ish o‘rinlari soni va yirik investitsiya loyihalari haqida rasmiy
davlat statistika qo‘mitasi va Markaziy bank ma’lumotlari asosida ma’lumotlar yig‘ildi. Ushbu
ko‘rsatkichlar boshqa iqtisodiy jihatdan o‘xshash hududlar bilan taqqoslab, viloyatning nisbiy
jozibadorligi baholandi.
Metodologiyaning uchinchi bosqichida ekspert baholash va SWOT-tahlil usullari
qo‘llanildi. Navoiy viloyatining kuchli va zaif tomonlari, imkoniyatlari va tahdidlari aniqlanib,
ularning investitsion jozibadorlikka ta’siri baholandi. Bu jarayonda mahalliy iqtisodiy
subyektlar, bank-moliya muassasalari hamda sanoat korxonalari ekspertlari fikrlari hisobga
olindi. Shuningdek, davlat-xususiy sheriklik loyihalari tahlil qilinib, ularning investitsion
muhitga ta’siri o‘rganildi. Metodologiyaning yakuniy bosqichida ilmiy xulosalar va amaliy
tavsiyalar ishlab chiqish maqsad qilingan. Statistik tahlillar va ekspert baholash natijalari
umumlashtirilib, Navoiy viloyatining investitsion jozibadorligini oshirish uchun zarur strategik
chora-tadbirlar belgilandi.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 9 / UIF:8.2 / MODERNSCIENCE.UZ
165
Xususan, infratuzilmani modernizatsiya qilish, moliyalashtirish mexanizmlarini
kengaytirish, innovatsion faoliyatni rag‘batlantirish va ekologik barqarorlikni ta’minlash
bo‘yicha tavsiyalar ilmiy asosda ishlab chiqildi.
Tahlil va natijalar.
Navoiy viloyati O‘zbekistonning yirik sanoat markazlaridan biri
bo‘lib, uning iqtisodiy rivojlanishida investitsiyalarning, xususan, to‘g‘ridan
-
to‘g‘ri xorijiy
investitsiyalarning o‘rni beqiyosdir. Viloyatning investitsion oqimlari tarkibini tahlil qilish shuni
ko‘rsatadiki, 2020–
2024 yillar davomida investitsiyalar hajmi yildan-yilga ortib borgan, bu esa
hududning resurs salohiyati va erkin iqtisodiy zonalarning faoliyati bilan chambarchas bog‘liq.
Ayniqsa, oltin qazib olish, kimyo sanoati va qurilish materiallari ishlab chiqarish
sohalariga yo‘naltirilgan investitsiyalar sezilarli ulushni tashkil etgan.
1-jadval
2020
–
2024-
yillarda Navoiy viloyatida investitsiya ko‘rsatkichlari
Yil
Umumiy investitsiyalar
hajmi (mlrd so‘m)
To‘g‘ridan
-
to‘g‘ri xorijiy
investitsiyalar (mln. $)
Yirik
loyihalar
soni
Yangi ish
o‘rinlari
(ming)
2020
21 500
480
7
9,5
2021
24 300
520
8
11,0
2022
28 700
610
10
12,7
2023
33 200
730
12
13,9
2024
39 800
850
15
15,4
Manba: https://www.navstat.uz ma’lumotlari asosida muallif ishlanmasi.
Jadvaldan ko‘rinib turibdiki, Navoiy viloyatiga kiritilgan investitsiyalar hajmi 2020
-
yildagi 21,5 trln so‘mdan 2024
-
yilda 39,8 trln so‘mga yetgan, ya’ni 1,8 baravar o‘sish
kuzatilgan. Shu bilan birga, xorijiy investitsiyalar hajmi ham 480 mln. dollardan 850 mln.
dollarga yetib, hududning xalqaro investitsion jozibadorligi ortib borgan. Buning natijasida yangi
ish o‘rinlari soni ham 9,5 mingdan 15,4 minggacha ko‘paygan. Bu esa Navoiy viloyatining
ijtimoiy-iqtisodiy rivojlanishida investitsiyalarning muhim drayver ekanligini tasdiqlaydi.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 9 / UIF:8.2 / MODERNSCIENCE.UZ
166
1-rasm. Navoiy viloyatida asosiy kapitalga kiritilgan investitsiyalar
Manba: https://www.navstat.uz
Keltirilgan infografika Navoiy viloyatida asosiy kapitalga kiritilgan investitsiyalar tarkibi
va ularning manbalarini ko‘rsatib beradi. Statistik ma’lumotlarga ko‘ra, jami investitsiyalar
hajmi 23 429,8 mlrd. so‘mni tashkil etib, o‘sish sur’ati 129,1 foiz bo‘lgan. Bu viloyatda
investitsion faollik sezilarli darajada oshganini va asosiy kapitalga qo‘shilgan mablag‘larning
iqtisodiy o‘sish jarayonida muhim omil bo‘layotganini anglatadi. Tahlil shuni ko‘rsatadiki,
investitsiyalar tarkibida markazlashgan mablag‘lar 2 056,2 mlrd. so‘mni, markazlashmagan
investitsiyalar esa 21 373,6 mlrd. so‘mni tashkil etgan. Bu ko‘rsatkich hududda xususiy sektor va
mahalliy tashabbuslarning faolligi yuqori ekanidan dalolat beradi. Markazlashmagan
investitsiyalarning katta ulushi bozor mexanizmlarining kuchayib borayotganidan va hududning
iqtisodiy mustaqilligi ortib borayotganidan dalolat beradi.
Manbalar tarkibiga e’tibor qaratilsa, jalb etilgan mablag‘lar 19 153,1 mlrd. so‘mni tashkil
etib, umumiy investitsiyalar tarkibida eng yirik ulushga ega. Xorijiy investitsiyalar va kreditlar
esa 18 562,5 mlrd. so‘mni tashkil etmoqda. Bu viloyat iqtisodiyotining jahon bozorlariga
integratsiyalashuvi kuchayayotganidan dalolat beradi. Shu bilan birga, o‘z mablag‘lari ham
muhim manba bo‘lib, 4 276,7 mlrd. so‘mlik ulush bilan investitsion jarayonlarda ichki
imkoniyatlar ham faol ishtirok etayotganini ko‘rsatmoqda. Shu bilan birga, suv ta’minoti va
kanalizatsiya tizimini rivojlantirish jamg‘armasidan mablag‘ ajratilmaganligi hudud
infratuzilmasida hali ham yechimini kutayotgan muammolar borligidan darak beradi. Demak,
investitsion oqimlarning katta qismi sanoat, ishlab chiqarish va yirik loyihalarga yo‘naltirilgan
bo‘lsa
-
da, ijtimoiy soha va kommunal infratuzilmaning rivojlanishiga e’tibor kuchaytirilishi
talab etiladi. Bu esa kelgusida hududiy rivojlanishning muvozanatli bo‘lishi va aholining
turmush darajasini yaxshilash uchun zaruriy shartdir.
Muhokama:
Olingan natijalar shuni ko‘rsatadiki, Navoiy viloyatida investitsion
faollikning oshishi hududning tabiiy resurslari, yirik sanoat korxonalari va erkin iqtisodiy
zonalar faoliyati bilan bevosita bog‘liqdir. Viloyat oltin, uran va boshqa foydali qazilmalarga
boy bo‘lgani uchun xorijiy sarmoyadorlar, xususan kon
-metallurgiya va kimyo sanoatiga alohida
qiziqish bildirmoqda. Shu bois investitsiya oqimlari ko‘proq sanoat tarmoqlariga yo‘naltirilgani
kuzatilmoqda. Biroq, hududiy rivojlanishning barqarorligini ta’minlash uchun investitsiyalarni
qishloq xo‘jaligi, xizmat ko‘rsatish sohasi va ijtimoiy infratuzilmaga ham kengaytirish talab
etiladi. Investitsiya tarkibini tahlil qilish natijalari shuni ko‘rsatadiki, markazlashmagan
investitsiyalar ulushi juda yuqori. Bu xususiy sektorning hududdagi rolini mustahkamlayotganini
bildiradi. Shu bilan birga, xorijiy kreditlar va jalb etilgan mablag‘larning katta ulushi investitsion
jarayonlarning tashqi manbalarga qaramligini oshirmoqda. Bunday sharoitda moliyaviy
xavfsizlikni ta’minlash va iqtisodiy barqarorlikni saqlash uchun ichki manbalarni samarali
safarbar qilish, mahalliy korxonalarning investitsiya salohiyatini kengaytirish zarur.
Tahlillar ijtimoiy infratuzilma sohasida ayrim muammolar borligini ko‘rsatmoqda.
Masalan, suv ta’minoti va kanalizatsiya tizimini rivojlantirish uchun investitsiya
ajratilmagan. Bu aholining turmush sifati va ekologik barqarorlikka salbiy ta’sir ko‘rsatishi
mumkin.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 9 / UIF:8.2 / MODERNSCIENCE.UZ
167
Shunday ekan, kelgusi bosqichlarda investitsiya siyosatini diversifikatsiya qilish, ya’ni
sanoat bilan bir qatorda ijtimoiy infratuzilma va ekologik loyihalarga ham ustuvor ahamiyat
berish Navoiy viloyatining investitsion jozibadorligini yanada oshiradi.
Xulosa.
Yuqoridagi tahlillar shuni ko‘rsatadiki, Navoiy viloyati O‘zbekistonning eng
yirik sanoat va investitsion markazlaridan biri sifatida jadal rivojlanmoqda. Viloyatda asosiy
kapitalga yo‘naltirilgan investitsiyalar hajmining ortishi, xususan, xorijiy investitsiyalar va
kreditlarning katta ulushni egallashi hududning xalqaro miqyosdagi jozibadorligini tasdiqlaydi.
Shu bilan birga, markazlashmagan investitsiyalarning yuqori bo‘lishi xususiy sektorning
investitsion jarayonlarda faol ishtirok etayotganini bildiradi. Biroq, investitsiyalar asosan sanoat
tarmoqlariga yo‘naltirilayotgani, ijtimoiy infratuzilma, suv ta’minoti va ekologik barqarorlikka
yetarli e’tibor berilmaganligi muhim muammo sifatida qayd etildi. Kelgusida hududning
investitsion siyosatini diversifikatsiya qilish, davlat-xususiy sheriklik mexanizmlarini
kengaytirish va mahalliy manbalarni samarali safarbar etish orqali Navoiy viloyatini nafaqat
respublika, balki butun Markaziy Osiyo mintaqasida raqobatbardosh investitsion hududga
aylantirish imkoniyati mavjud.
Foydalanilgan a
dabiyotlar roʻyxati
1.
Nadirkhanov, U.S. (2021). Increasing the investment attractiveness of the Republic of
Uzbekistan: results, problems, prospects. Central Asian Journal of Innovations on Tourism
Management and Finance, 2(5), pp. 45
–
53.
2.
Amonboev, M. (2018). Establishing stock market attractiveness and investment
infrastructure in Uzbekistan. International Journal of Economics and Finance, 4(1), pp. 19
–
28.
3.
Anvarovich, N.E. (2023). Main goals, proposals and recommendations to increase the
investment attractiveness of the region. Central Asian Journal of Innovations on Tourism
Management and Finance, 4(3), pp. 67
–
74.
4.
Lee, H-S., Chernikov, S.U. & Nagy, S. (2022). Motivations and locational factors of FDI
in CIS countries: Empirical evidence from South Korean FDI. Economic Research-
Ekonomska Istraživanja, 35(1), pp. 124–
139.
5.
Chernikov, S.U. (2022). Institutional determinants of investment attractiveness in
transition economies. Journal of Institutional Studies, 14(2), pp. 55
–
63.
6.
Nagy, S. (2022). Foreign direct investment flows in Central Asia: empirical determinants
and challenges. Journal of Asian Economics, 78, pp. 101
–
117.
7.
Nurasheva, K.K. (2024). Capital inflow and investment attractiveness of Central Asia.
International Economics and Economic Policy, 21(2), pp. 233
–
249.
8.
Mitrofanov, E. (2021). Regional investment attractiveness: model analysis in the Volga
Federal District. EPJ Web of Conferences, 238, pp. 1
–
8.
9.
Shcherbakova, D.V. (2019). Factors of investment attractiveness of Russian regions.
Journal of Applied Economic Research, 5(2), pp. 122
–
131.
10.
Nguyen, H.T. (2024). Foreign direct investment and employment in Asia-Pacific countries.
Journal of Asian Business and Economic Studies, 31(1), pp. 15
–
29.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 9 / UIF:8.2 / MODERNSCIENCE.UZ
168
11.
Le, A.N., Tan, L.H. & Choi, J. (2023). Political stability and FDI inflows in Asia-Pacific
countries. Humanities and Social Sciences Communications (Nature), 10(1), pp. 225
–
238.
12.
Smith, J. (2020). Foreign direct investment and regional economic growth: a comparative
analysis. Journal of International Economics, 127, pp. 101
–
118.
13.
Karimov, A. (2022). Regional investment policy in Uzbekistan: problems and development
priorities. Economics and Education, 23(3), pp. 84
–
92.
14.
https://www.navstat.uz
