Экспериментал гиперурикемия шароитида репродуктив ёшгача ва репродуктив ёшдаги каламушлар орқа оёқ скелет мушакларининг контрактурали ремоделлаш

Оқ каламушлар устида ўтказилган тажрибада экспериментал гиперурикемия шароитида ре- продуктив ёшгача ва репродуктив ёшдаги каламушлар орқа оёқ скелет мушакларининг контрактура- ли ремоделлаш ўрганилди. Тажрибанинг барча даврларида мушак толаларининг контрактурали ре- моделлашиши бир йўналишга ва прогредиент характерна эга бўлиши аниқланди. Биз буни ишемик жараён, яъни сийдик кислота таъсирида томирларнинг структурали қайта тикланиши билан боғлаймиз. Репродуктив ёшгача бўлган ҳайвонларда гиперурикемияда скелет мушакларининг кон-трактурали ва цитолитик ремоделлашиши сон-тизза ости сегментида интима ва медиянинг гипертро-фик қалинлашиши сифатида намоён бўлади. Репродуктив ёшдаги каламушларда эса болдир-товон сегментидаги мушакларда учрайди, бунда ремоделлашишнинг гипертрофик тури яллиғланиш-склеротик тур билан қўшилиб келади, яъни артерияларнинг склеротик ўзгаришига асос бўлади деб ҳисоблаш мумкин.