Iqtisodiy taraqqiyot va tahlil, 2025-yil, mart
www.sci-p.uz
20
XORIJIY INVESTITSIYALAR ISHTIROKIDAGI KORXONALAR FAOLIYATI
DINAMIKASI VA TAHLILI
Abduraxmonov
Azizbek Akram oʻgʻli
Samarqand iqtisodiyot va servis instituti
ORCID: 0009-0006-3920-2445
Annotatsiya.
Maqolada 2022
–2026 yillarga moʻljallangan Yangi Oʻzbekiston taraqqiyot
strategiyasi doirasida investitsiyalarni jalb qilish boʻyicha amalga oshirilayotgan chora
-tadbirlar
tahlil qilinadi. Shuningdek, xorijiy va mahalliy investitsiyalar hajmi, ularning samaradorligi va
taqsimoti toʻgʻrisidagi raqamli maʼlumotlar keltirilgan. Oʻzbekiston
-
Xitoy oʻrtasidagi
investitsiyaviy hamkorlik, toʻgʻridan
-
toʻgʻri xorijiy investitsiyalar dinamikasi, portfel
investitsiyalar va xorijiy kreditlarning asosiy kapit
alga jalb etilishi boʻyicha 2023 yil yakunlari
koʻrib chiqiladi. Hududlar kesimida investitsiyalarning taqsimlanishi va eng yirik investor
mamlakatlar tahlil qilinadi.
Kalit soʻzlar:
i
nvestitsiya muhiti, xorijiy investitsiyalar, chet el sarmoyalari, toʻgʻridan
-
toʻgʻri investitsiyalar, Yangi Oʻzbekiston strategiyasi, investitsiyaviy hamkorlik, iqtisodiy
rivojlanish, asosiy kapital, portfel investitsiyalar.
ДИНАМИКА И АНАЛИЗ ДЕЯТЕЛЬНОСТИ ПРЕДПРИЯТИЙ С УЧАСТИЕМ
ИНОСТРАННЫХ ИНВЕСТИЦИЙ
Абдурахмонов Азизбек Акрам угли
Самаркандский институт экономики и сервиса
Аннотация.
В статье анализируются меры, принимаемые в рамках стратегии
развития «Новый Узбекистан» на 2022–2026 годы по привлечению инвестиций.
Представлены количественные данные о динамике объемов иностранных и местных
инвестиций, их эффективности и распределении. Рассматривается инвестиционное
сотрудничество между Узбекистаном и Китаем, динамика прямых иностранных
инвестиций, портфельных вложений и внешних кредитов, привлеченных в основной
капитал по итогам 2023 года. Также приводится анализ распределения инвестиций по
регионам и крупнейших стран
-
инвесторов.
Ключевые слова:
инвестиционный климат, иностранные инвестиции, зарубежные
вложения, прямые инвестиции, стратегия «Новый Узбекистан», инвестиционное
сотрудничество, экономическое развитие, основной капитал, портфельные инвестиции.
UO‘K:
330.322.01
III SON - MART, 2025
20-26
00
Iqtisodiy taraqqiyot va tahlil, 2025-yil, mart
www.sci-p.uz
21
DYNAMICS AND ANALYSIS OF THE ACTIVITY OF ENTERPRISES WITH FOREIGN
INVESTMENT PARTICIPATION
Abdurakhmonov Azizbek Akram ugli
Samarkand Institute of Economics and Service
Abstract.
The article analyzes the measures taken under the "New Uzbekistan"
Development Strategy for 2022
–
2026 to attract investments. It provides quantitative data on the
dynamics of foreign and local investments, their efficiency, and distribution. The article examines
Uzbekistan-China investment cooperation, the dynamics of foreign direct investments, portfolio
investments, and external loans attracted to fixed capital as of 2023. Additionally, it presents an
analysis of investment distribution across regions and the top investor countries.
Keywords:
investment climate, foreign investments, overseas capital, direct investments,
New Uzbekistan strategy, investment cooperation, economic development, fixed capital, portfolio
investments.
Kirish.
Bugungi kunda investitsion muhitning shakllanishi va xorijiy investitsiyalarni jalb qilish
masalasi har qanday mamlakat iqtisodiy taraqqiyotining muhim omillaridan biri hisoblanadi.
Xorijiy investitsiyalar milliy iqtisodiyotga zamonaviy texnologiyalarni jalb etish, yangi ish
o‘rinlari yaratish va ishlab chiqarish samaradorligini oshirishga xizmat qiladi. Shu sababli,
O‘zbekiston ham investitsion muhitni yaxshilash va chet el sarmoyalarini jalb qilish bo‘yicha
izchil islohotlarni amalga oshirib kelmoqda.
O‘zbekiston hukumati tomonidan investorlar uchun qulay huquqiy va institutsional
sharoitlar yaratish maqsadida bir qator qonunchilik islohotlari olib borilmoqda. Jumladan,
“Investitsiyalar va investitsiya faoliyati to‘g‘risida”gi qonunning qabul
qilinishi, davlat-xususiy
sheriklik mexanizmlarining rivojlantirilishi va soliq imtiyozlarining taqdim etilishi mamlakat
investitsion jozibadorligini oshirishga qaratilgan asosiy choralardan biri sifatida ko‘riladi.
Xalqaro moliyaviy institutlarning hisobo
tlariga ko‘ra, so‘nggi yillarda O‘zbekiston
iqtisodiyotiga kiritilgan xorijiy investitsiyalar hajmi sezilarli darajada ortib bormoqda, bu esa
amalga oshirilayotgan islohotlarning samaradorligini ko‘rsatadi.
Adabiyotlar sharhi.
O‘zbekistonda investitsion muhit va xorijiy investitsiyalarni jalb qilish bo‘yicha olib
borilgan tadqiqotlar iqtisodiy rivojlanish strategiyalarining samaradorligini baholashga
qaratilgan. Mazkur mavzu doirasida ko‘plab ilmiy maqolalar, xalqaro moliyaviy i
nstitutlar
hisobotlari hamda hukumat tomonidan qabul qilingan hujjatlar tahlil qilingan. Xususan, BMT
Taraqqiyot Dasturi (2023), Jahon Banki (2023)
, Xalqaro Valyuta Jamg‘armasi
(2022) va Osiyo
Taraqqiyot Banki (2023)
tomonidan e’lon qilingan hisobotlarda O‘zbekistonning investitsion
salohiyati va chet el investitsiyalarini jalb qilish strategiyalari yoritilgan.
Shuningdek, iqtisodiy rivojlanish bo‘yicha nufuzli ilmiy jurnallarda e’lon qilingan
maqolalar xorijiy sarmoyalarning iqtisodiyotga ta’siri, investitsion islohotlarning natijalari va
O‘zbekistonning xalqaro kapital bozorlariga integratsiyalashuvi haqida tahliliy ma’lumotlar
beradi (Karimov, 2021)
. So‘nggi yillarda scholar.google.
com va Scopus bazalarida chop etilgan
maqolalar O‘zbekistonning xorijiy investitsiyalarni jalb qilish strategiyalari va ularning
hududiy taqsimoti bo‘yicha chuqur tadqiqotlarni o‘z i
chiga oladi (Rasulov, 2022). Shu bilan
birga, investitsiya muhitini yaxshilashga qaratilgan milliy qonunchilik bazasi, jumladan,
“Investitsiyalar va investitsiya faoliyati to‘g‘risida”gi qonun
(Qonun, 2019) hamda davlat-
xususiy sheriklik to‘g‘risidagi normativ hujjatlar (Vazirlik, 2020; Qo’mita, 2023)
ham muhim
ilmiy ahamiyat kasb etadi.
Iqtisodiy taraqqiyot va tahlil, 2025-yil, mart
www.sci-p.uz
22
Mazkur adabiyotlar sharhi asosida, O‘zbekiston investitsion muhitining shakllanishi,
xorijiy kapitalni jalb etish bo‘yicha amalga oshirilgan islohotlar va ularning samaradorligi
haqida ilmiy dalillarga asoslangan umumiy tasavvur shakllantirildi.
Tadqiqot metodologiyasi.
Mazkur tadqiqotda investitsion muhit va chet el
sarmoyalarining O‘zbekiston
iqtisodiyotiga ta’sirini tahlil qilish uchun kombinatsiyalangan tadqiqot metodologiyasi
qo‘llanildi. Tadqiqot falsafasi induktiv va deduktiv yondashuvlar asosida shakllantirilib,
empirik ma’lumotlarga asoslangan holat (case
-study) tahlili va statistik usullardan foydalanildi.
Tadqiqot dizayni investitsion muhitning dinamikasini o‘rganish va uning rivojlanish
yo‘nalishlarini aniqlashga qaratilgan. Asosiy ma’lumotlar xalqaro moliyaviy institutlarning
hisobotlari, O‘zbekiston Respublikasi Davlat statistika qo‘mitasi ma’lumotlari v
a xorijiy
investitsiyalar bo‘yicha hukumat tomonidan e’lon qilingan hujjatlar asosida shakllantirildi.
Metodologiya doirasida quyidagi tadqiqot strategiyalari qo‘llanildi:
•
Kuzatish
–
investitsion muhitning so‘nggi yillardagi rivojlanish tendensiyalari va chet el
kapitalining jalb qilinishi bo‘yicha statistik ma’lumotlar tahlili.
•
Keys-stadi (holat tahlili)
–
O‘zbekiston
-Xitoy iqtisodiy hamkorligi va sarmoyaviy
loyihalari misolida investitsion jarayonlarning samaradorligi o‘rganildi.
•
Statistik tahlil
–
Davlat statistika qo‘mitasi va xalqaro tashkilotlarning rasmiy
ma’lumotlariga asoslangan xorijiy investitsiyalarning iqtisodiy o‘sishga ta’sirini baholash.
Tadqiqot ishonchliligini (reliability) oshirish maqsadida birlamchi va ikkilamchi
ma’lumotlar o‘zaro taqqoslanib, ularning aniqligi (validity) xalqaro standartlarga muvofiq
baholandi. Mazkur metodologik yondashuv asosida O‘zbekistonda investitsion muhitnin
g
bugungi holati va istiqbollari bo‘yicha ilmiy asoslangan xulosalar chiqarildi.
Tahlil va natijalar muhokamasi.
2022
–2026 yillarga mo‘ljallangan Yangi O‘zbekistonning taraqqiyot strategiyasida ham
investitsiyalarni iqtisodiyotimizga jalb qilish o‘z aksini topgan: mamlakatda investitsiya
muhitini yanada yaxshilash va uning jozibadorligini oshirish, kelgusi besh yilda 120 milliard
AQSH dollari, jumladan 70 milliard dollar xorijiy investitsiyalarni jalb etish choralarini
ko‘rish; investitsiyalardan samarali foydalanish hamda eksport hajmlarini oshirish bo‘yicha,
“pastdan
-
yuqoriga” tamoyili asosida, yangi tizimni yo‘lga qo‘yish; 2026 yilgacha xorijiy va
mahalliy investitsiyalarni jalb etish strategiyasini amalga oshirish; davlat-xususiy sheriklik
asosida energetika, transport, sog‘liqni saqlash, ta’lim, ekologiya, kommunal xizmatlar, suv
xo‘jaligi va
boshqa sohalarga 14 milliard AQSH dollarga teng investitsiya jalb etish (Farmon,
2022).
O‘zbekiston
-
Xitoy o‘rtasidagi savdo
-iqtisodiy va investitsiyaviy
hamkorlik jadal sur’atda
o‘sib, keng ko‘lam kasb etayapti. Xususan, keyingi yillarda o‘zaro savdo hajmi ikki barobar
ko‘payib, 2023 yilda rekord ko‘rsatkich –
14 milliard dollarga yetdi
(Ma’ruza, 2024a), ya’ni
Xitoyning O‘zbekistonga kiritgan umumiy investitsiyalari hajmi 14 milliard dollardan oshdi.
Xitoy sarmoyasi ishtirokidagi korxonalar soni uch barobar ko‘paydi.
“O‘zbekiston joriy yil olti oyda to‘g‘ridan
-
to‘g‘ri xorijiy investitsiya hajmi o‘tgan yilga
nisbatan 2 karra o‘sib, 14 milliard dollarga yetdi. Bunday raqamlar 33 yillik tariximizda
bo‘lmagan”
(Ma’ruza, 2024b)
.
O‘zbekiston Respublikasida 2019
-2023 yillar kesimida xorijiy sarmoya ishtirokida
faoliyat ko‘rsatayotgan korxonalar soni oshib borish dinamikasiga ega (1
-jadvalga qarang).
1-
jadval ma’lumotlaridan yaqqol ko‘rinib turibdiki, 2019 yil boshiga xorijiy sarmoya
ishtirokidagi korxonalar soni jami 7560 tani tashkil etgan bo‘lsa, 2024 yil 1 yanvar holatiga
ularning soni 1,9 barovarga yoxud 6493 taga oshib 14053 taga yetgan, jumladan 4657 ta
qo‘shma korxona va 9396 ta xorijiy kapital ishtirokidagi korxonalardir.
Iqtisodiy taraqqiyot va tahlil, 2025-yil, mart
www.sci-p.uz
23
2023 yilda O‘zbekistonga to‘g‘ridan
-
to‘g‘ri investitsiyalar hajmi 16 foizga –
2,6 mlrd
dollardan 2,2 mlrd dollargacha qisqardi.
1-jadval
Yillar kesimida xorijiy kapital
ishtirokida faoliyat ko‘rsatayotgan korxonalar soni
Xorijiy kapital
ishtirokidagi
korxonalar
2019 yil 1
yanvar
holatiga
2021 yil 1
yanvar
holatiga
2022 yil 1
yanvar
holatiga
2023 yil 1
yanvar
holatiga
2024 yil 1
yanvar
holatiga
Qo‘shma
korxonalar
4006
5672
5988
6419
4657
Xorijiy korxonalar
3554
6109
7301
9382
9396
Jami:
7560
11781
13289
15801
14053
2023 yilda portfel investitsiyalar hajmi qariyb 1 mlrd dollarni tashkil etgan. Bu oktyabr
oyida chiqarilgan 4,25 trln so‘m
miqdoridagi «yashil» suveren xalqaro obligatsiyalar hamda
660 mln dollar miqdoridagi xalqaro obligatsiyalar bilan tavsiflanadi. 2023 yilda O‘zbekiston
Respublikasida asosiy kapitalga o‘zlashtirilgan investitsiyalar hajmi 352,1 trln so‘mni tashkil
etgan.
2023- yilning yanvar-
dekabr oylarida jami 352,1 trln. so‘m asosiy kapitalga investitsiyalar
o‘zlashtirilib, 2022
-yilning mos davriga nisbatan 122,1 % ni tashkil etdi. Asosiy kapitalga
investitsiyalarning tarkibida 66,4 % yoki 233,8 trln. so‘m investitsiyalar jalb etilgan mablag‘lar
hisobidan moliyalashtirilgan bo‘lsa, korxona, tashkilot va aholining o‘z mablag‘lari hisobidan
33,6 % yoki 118,3 trln. so‘m moliyalashtirildi. Shuningdek, markazlashgan moliyalashtirish
manbalari hisobidan asosiy kapitalga invest
itsiyalar hajmi 44,8 trln. so‘mni tashkil etgan bo‘lsa,
markazlashmagan moliyalashtirish manbalari hisobidan 307,3 trln. so‘m investitsiyalar
o‘zlashtirildi.
1-
rasm. Xorijiy investitsiya va kredit manbalari bo‘yicha 2023 yilda asosiy kapitalga
investitsiyalar, jamiga nisbatan, % da
Manba:
O‘zbekiston Respublikasi Prezidenti huzuridagi Statistika agentligi materiallari asosida
muallif tomonidan tayyorlandi.
53.4%
61.3%
62.0%
64.3%
61.9%
54.5%
63.1%
50.0%
43.3%
61.9%
81.6%
56.9%
46.7%
44.3%
37.1%
0.0% 10.0% 20.0% 30.0% 40.0% 50.0% 60.0% 70.0% 80.0% 90.0%
O‘zbekiston Respublikasi
Qoraqalpog‘iston Respublikasi
Andijon
Buxoro
Jizzax
Qashqaradaryo
Navoiy
Namangan
Samarqand
Surxondaryo
Sirdaryo
Toshkent
Farg‘ona
Xorazm
Toshkent sh.
Iqtisodiy taraqqiyot va tahlil, 2025-yil, mart
www.sci-p.uz
24
Asosiy kapitalga investitsiyalar
–
yangi asosiy fondlarni sotib olish va takror ishlab
chiqarishga yo‘naltirilgan xarajatlar majmuini bildiradi. 2023 yil yakuni bo‘yicha O‘zbekistonda
jami haqiqatda o‘zlashtirilgan investitsiyalar tarkibida aynan xorijiy i
nvestitsiyalar va kreditlar
salmoqli o‘rin egalladi. Xususan, yuqori ko‘rsatkichlar Sirdaryo, Buxoro, Navoiy, Andijon,
Surxondaryo, Jizzax viloyatlarida kuzatilmoqda (1-rasmga qarang).
2-
rasm. 2023 yil yakuni bo‘yicha eng ko‘p chet el investitsiyalarini O‘zbekistonga
kiritgan 10 ta investor-mamlakat
Manba:
O‘zbekiston Respublikasi Prezidenti huzuridagi Statistika agentligi materiallari asosida
muallif tomonidan tayyorlandi.
To‘g‘ridan
-
to‘g‘ri xorijiy investitsiyalar hisobidan o‘zlashtirilgan investitsiyalar hajmi
84,3 trln. so‘mni tashkil etdi va jami investitsiyalardagi ulushi 2022
-yilning mos davriga
nisbatan 9,1 % punktga ko‘payib, 24,0 % ni tashkil etdi.
O‘zbekiston Respublikasi kafolati ostidagi xorijiy kreditlar hisobidan moliyalashtirilgan
asosiy kapitalga investitsiyalar 21,2 trln, so‘mni yoki, 2022
-yilga nisbatan 130,3 % ni tashkil
etdi. Kafolatlanmagan xorijiy kreditlar va boshqa xorijiy investitsiyalar hisobidan
moliyalashtirilgan asosiy kapitalga investitsiyalar 82,4 trln, so‘mni yoki, 2022
-yilga nisbatan
129,2 % ni tashkil etdi.
Chet el investitsiyalari
–
asosan kelgusida foyda olish maqsadida, O‘zbekiston
Respublikasi hududidagi korxona va tashkilotlarga kiritilgan chet el kapitali. O‘zbekistonga
kiritilgan xorijiy investitsiyalarning eng yuqori ulushi Xitoy xalq respublikasiga tegishli
–
25,6%. Shu o‘rinda ta’kidlash joizki, O‘zbekistonning eng yirik investor mamlakatlari qatorida
Rossiya
–
13,4%, Saudiya Arabistoni
–
7,9%, Turkiya
–
6,4%, Birlashgan Arab Amirliklari
–
5,8%, Germaniya
–
4,3%, Kipr va Niderlandiya
–
3,4% dan, Shveysariya
–
3,1%, AQSH
–
2,3%
o‘rin egallagan.
Iqtisodiy taraqqiyot va tahlil, 2025-yil, mart
www.sci-p.uz
25
3-rasm. 2023 yilda hududlar kesimida asosiy kapitalga xorijiy investitsiya
va kreditlar, mlrd. so‘mda va foizda
Manba:
O‘zbekiston Respublikasi Prezidenti huzuridagi Statistika agentligi materiallari asosida
muallif tomonidan tayyorlandi.
2023 yilda hududlar kesimida asosiy kapitalga kiritilgan xorijiy investitsiyalar va
kreditlar miqdori O‘zbekiston Respublikasi bo‘yicha jami 84
311,6 mlrd. so‘mni tashkil etgan
bo‘lib, shundan eng ko‘p ulush Buxoro viloyatiga to‘g‘ri kelmoqda 12
496,0 mlrd. so‘m yoxud
14,82%, eng kam ulush
–
Xorazm viloyati 1 399,7 mlrd
. so‘m yoxud 1,66%. Samarqand viloyati
xo‘jalik yurituvchi sub’ektlari asosiy kapitaliga kiritilgan xorijiy investitsiya va kreditlarning
salmog‘i 6
894,0 mlrd. so‘mni yoki jami jalb etilgan mablag‘lar tarkibida 8,18% ga to‘g‘ri
kelmoqda (3-rasmga qarang).
Xulosa va takliflar.
O‘zbekiston iqtisodiyotining jadal rivojlanishi xorijiy investitsiyalarni jalb qilish bilan
chambarchas bog‘liq. Tadqiqot natijalari shuni ko‘rsatadiki, so‘nggi yillarda mamlakatda
investitsion muhitni yaxshilash bo‘yicha amalga oshirilayotgan islohotlar s
amaradorlik
berayotgan bo‘lsa
-
da, hali ham hal qilinishi lozim bo‘lgan muammolar mavjud. Xususan,
investitsiyalarni jalb qilish jarayonining shaffofligini oshirish, investorlar uchun qulay biznes
muhitini yaratish va investitsiya xavflarini minimallashtiri
sh kabi muhim masalalarga e’tibor
qaratish zarur.
O‘tgan yillardagi investitsiya oqimlarini tahlil qilish shuni ko‘rsatadiki, O‘zbekistonning
asosiy investor mamlakatlari Xitoy, Rossiya, Saudiya Arabistoni, Turkiya va BAA
bo‘lib, bu
davlatlarning sarmoyadorlari bilan strategik hamkorlikni yanada mustahkamlash lozim. Bunga
qo‘shimcha ravishda, Yevropa Ittifoqi va AQSh kabi iqtisodiy jihatdan rivojlangan davlatlarning
investitsiyalarini ham faol jalb etish ustuvor yo‘nalishlardan biri bo‘lishi kerak.
Investitsion muhitni yanada yaxshilash va xorijiy sarmoyalarni ko‘proq jalb qilish
maqsadida quyidagi takliflar ilgari suriladi:
Iqtisodiy taraqqiyot va tahlil, 2025-yil, mart
www.sci-p.uz
26
1.
Huquqiy islohotlarni davom ettirish
–
investorlarga huquqiy kafolatlar yaratish,
soliqlar bo‘yicha yanada qulay shart
-sharoitlarni joriy etish va davlat-xususiy sheriklik
mexanizmlarini takomillashtirish.
2.
Byurokratik to‘siqlarni kamaytirish
–
investitsion loyihalarni amalga oshirish
jarayonini soddalashtirish va tezkor xizmatlarni rivojlantirish.
3.
Infratuzilmani rivojlantirish
–
transport va logistika tizimlarini modernizatsiya qilish,
energetika va kommunikatsiya infratuzilmasini yanada takomillashtirish.
4.
Moliyaviy qo‘llab
-quvvatlash tizimini rivojlantirish
–
xorijiy investorlar uchun
imtiyozli kreditlar va grant dasturlarini kengaytirish.
5.
Raqamli iqtisodiyotga sarmoya jalb qilish
–
axborot texnologiyalari, elektron tijorat
va innovatsion startaplar sohasidagi investitsiyalarni rag‘batlantirish.
6.
Hududiy investitsion imkoniyatlarni kengaytirish
–
xorijiy investorlarni faqat yirik
shaharlarga emas, balki viloyatlarga ham jalb qilish uchun maxsus erkin iqtisodiy zonalar
yaratish.
Yuqoridagi chora-
tadbirlarning amalga oshirilishi natijasida O‘zbekistonning investitsion
jozibadorligi oshib,
iqtisodiyotning barqaror o‘sishi ta’minlanadi. Bu esa o‘z navbatida
mamlakatda yangi ish o‘rinlarining yaratilishi, sanoat va xizmat ko‘rsatish tarmoqlarining
rivojlanishiga xizmat qiladi.
Adabiyotlar/Литература/Reference:
BMT Taraqqiyot Dasturi, (2023),
O‘zbekistonda investitsion muhitni yaxshilash bo‘yicha
hisobot, Nyu-York, BMT Nashriyoti.
Farmon (2022) O‘zbekiston Respublikasi Prezidentining 2022 yil 18 yanvardagi “2022
-2026
yillarga mo‘ljallangan Yangi O‘zbekistonning taraqqiyot strategiyasi to‘g‘risida” gi PF
-60-sonli
Farmoni.
Jahon Banki, (2023), Markaziy Osiyo iqtisodiyoti va investitsiyalar, Vashington, Jahon Banki
Nashriyoti.
Karimov S., (2021),
Xorijiy investitsiyalarning O‘zbekiston iqtisodiyotiga ta’siri
, Toshkent,
Iqtisodiyot Nashriyoti.
Ma’ruza (2024a) O‘zbekiston Respublikasi Prezidenti Shavkat Mirziyoevning O‘zbekiston
-
Xitoy investitsiya forumidagi ma’ruzasidan. 2024 yil 25 yanvar.
Ma’ruza (2024b) O‘zbekiston Respublikasi Prezidenti Shavkat Mirziyoevning tadbirkorlar
bilan ochiq muloqoti ma’ruzasidan. 2024 yil 20 avgust, Nukus.
Osiyo Taraqqiyot Banki, (2023),
O‘zbekistonda investitsiya loyihalarini moliyalashtirish
,
Manila, OTB Nashriyoti.
Qo’mita (2023) O‘zbekiston Respublikasi Davlat Statistika Qo‘mitasi, O‘zbekistonda
investitsiyalar va iqtisodiy o‘sish tahlili
, Toshkent, Davstat Nashriyoti.
Qonun (2019), O‘zbekiston Respublikasi Oliy Majlisi,
Investitsiyalar va investitsiya faoliyati
to‘g‘risidagi qonun, Toshkent, O‘zbekiston Respublikasi Qonunchilik palatasi.
Rasulov N., (2022),
Investitsiyalarni jalb qilish va O‘zbekistonning xalqaro bozorlar bilan
integratsiyasi, Moskva, Ekonomika Nashriyoti.
Vazirlik (2020), O‘zbekiston Respublikasi Iqtisodiyot va Moliya Vazirligi,
Davlat-xususiy
sheriklik asosida investitsiya loyihalarini amalga oshirish bo‘yicha tartiblar
, Toshkent,
O‘zbekiston Respublikasi Moliya vazirligi Nashriyoti.
Xalqaro Valyuta Jamg‘armasi, (2022), O‘zbekistonning investitsion salohiyati va
makroiqtisodiy rivojlanish, Vashington, XVJ Nashriyoti.
