Тадқиқот объекта: композиторлар ижодида йил фасллари туркумипипг кенг тарихий (XVIII аср охиридан то XXI аср бошига қадар) ва жуғрофий кесимдаги бадиий талқини. Тахдил учун танланган асарлар ичида ўтмиш жахон мусиқа санъатининг мумтоз намуналари билан бир қаторда замонавий (узбек ва хорижий) композиторлар асарлари хам ўрин олган. Уларнинг аксарияти илк бор тадқиқ қилинмокда.
Ишнинг мақсади - композиторлик ижодиёти мисолида йил фасллари мавзусининг хилма-хил талқинларини тарихий тадрижиётда кўрсатиб бериш, унинг замонавий Узбекистан композиторлари асарларида турлича намоён бўлишини аниқлаш ҳамда миллий бадиий анъаналар билан боғлиқлигини асослаб беришдан иборат.
Тадқиқот методлари: тадқиқот объекти тарихий-типологик, синхроник ва диахроник қиёс ва мажмуавий услубий ёндошувларнинг муштарак қўлланилишини тақозо этди.
Олинган натижалар ва уларнинг янгилиги: мусиқа санъатида йил фасллари мавзусининг турлича талқин тадрижи илк бор илмий кузатилди. Тадқиқот давомида эришилган айрим натижа ва назарий ҳолатлар бадиий мазмун назариясининг илмий асосларини шакллантиришда, шунингдек, ижодий тафаккурни ривожланиб борувчи мураккаб тадрижий тизим сифатида англашда аҳамиятли бўлиши мумкин.
Амалий аҳамияти: турли миллий композиторлик мактаблари намоёндалари томонидан йил фасллари мавзусининг ижодий талқини хусусидаги илмий тасаввурларни кенгайтиришга, ҳамда мусиқашунослик фанини шу йўналишдаги янги мусиқий асарлар тадқиқоти билан бойитишга кўмак беради.
Татбиқ этиш даражаси ва иқтисодий самарадорлиги: диссертация материаллари Узбекистан давлат консерваториясининг Мусиқа тарихи ва танкид кафедрасида олиб бориладиган “Жахон халқлари мусиқаси тарихи” курси бўйича маърузалар матнида ўз аксини топтан.
Қўлланилиш (фойдаланиш) сохаси: тадкикот иши илмий ва педагогик амалиётда, шунингдек, “Жахон халклари мусиқаси тарихи”, “Мусиқий услублар тарихи”, “Узбек мусиқаси тарихи”, “Маданиятшунослик” каби ўқув фанларининг маърузалари мазмунида кенг қўлланилиши мумкин. Илмий иш материаллари маърузачи-мусиқашуносларнинг маърифатчилик фаолияти самарадорлигини оширишга имкон беради.
