MAMLAKATIMIZDA TA’LIM TIZIMI OBYEKTIV ZARURAT SIFATIDA

Sifatli ta’lim – kelajak poydevoridir. Bugungi kunda insonlarning eng asosiy ma’naviy ehtiyoji bo‘lgan turli darajadagi va shakldagi bilimlar kundan kunga texnologiyalar ta’sirida boyib bormoqda. Ushbu yangi bilimlar jamiyat tomonidan kech qabul qilinishi yoki ba’zi qatlamlar tomonidan o‘zlashtirilmasligi natijasida har xil iqtisodiy-texnologik, axloqiy, huquqiy, ijtimoiy-psixologik, ekologik va boshqa muammolar yuzaga kelmoqda. Rivojlangan mamlakatlarda bunday muammolarning oldini olish, turli holatlarda (vaziyatlarda) mas’uliyat hissi bilan mustaqil ravishda qaror qabul qila oladigan, hamkorlik qilishga qodir, tashabbuskor insonlarni tarbiyalash uchun ilm-ma’rifat, ta’lim taraqqiyotiga katta e’tibor berilib, sarmoya kiritilmoqda