Варикоцеле ташхисида ультратовушли допплерография имкониятларини аниқлаш

16 – 35 ёшгача бўлган I, II, ва III даражали варикоцеле билан касалланган 88 та беморни текширишда рангли ультратовушли допплерографияни қўлладик. Шулардан 22 та беморда субклиник варикоцеле аниқланди. Субклиник варикоцеле билан хасталанган беморларда дағал кўринишли тутамларда патологик кенгайиш аниқланмади. Субклиник варикоцелени ташхислашда ультратовушли допплерографиянинг қуйидаги хусусиятлари аниқланди: 1) венанинг максимал диаметри кенглиги 3мм дан юқорилиги; 2) 4 дан ортиқ кенгайган веналар тутами; 3) Валсалва пробасида қон тезлигининг 2 см/сек гача ўзгариши ва ретроград қон оқими (рефлюкс) аниқланди. Ҳамма гуруҳдаги касалларнинг умумий йиғилган баллари субклиник варикоцеледа зўриқиш сабабли қон оқимининг бузилишига қаратилган. Бу вақтда субклиник варикоцеленинг умумий баллари венанинг максимал диаметри ва кенгайган веналар тутами ҳисобига йиғилди. Бу бизга дағал тутам фақатгина айсбергнинг чўққиси, гемодинамиканинг бузилишида унинг ҳақиқий ўлчамини кўрсатиб бера олмайди деган хулосани беради. Рангли ультратовушли допплерография маьлумотлари субклиник варикоцелени хотосиз ташхислашда, патологик жараён даражасини ва гемодинамик бузилиш типини аниқлаш имкониятини беради