Kooperatsiyalar hududlarning investitsion jozibadorligini oshiruvchi omil sifatida

Xususiy sektor sohasida raqobatdoshlikni oshirishning muhim vositalaridan biri bu – kooperatsiya faoliyatini rivojlantirish hisoblanadi. Bu borada O‘zbekistonning xududlarida tarmoq va sohalarda kooperatsiya jarayonlarini yana-da rivojlantirish hamda qo‘llab-quvvatlashga davlat darajasida eʼtibor qaratilmoqda. Bu yo‘nalish ayniqsa qishloq xo‘jaligida boshqa tarmoqlarga nisbatan sezilarli ravishda faollashib bormoqda paxta-to‘qimachilik, meva-sabzavot, dehqonchilik va chorvachilik hamda boshqa sohalarda kooperatsiya jarayonlari nisbatan rivojlangan. Shuning uchun kooperatsiya faoliyatini har tomonlama rivojlantirish maqsadida mazkur tizimni rag‘batlantirish, uning ishchan mexanizmlarini ishlab chiqish hamda qulay institutsional muhitini yaratish lozim bo‘ladi