Ёшга боғлиқ макуляр дегенерацияси (ЁБМД) бутун дунёдаги етакчи тиббий- ижтимоий муаммолардан биридир. Ушбу тадқиқотнинг мақсади - ЁБМДни эрта босқичида лютеинзеаксантин витаминминерал комплексини ўз ичига олган дори воситалари билан профилактика самарадарлигини баҳолашдир. Клиник тадқиқотда 3 ой давомида кунига бир марта, 1 капсуладан йилига 2 марта кетма-кет 3 йил лютеин-зеаксантин витамин-минерал комплексини қабул қилган 50 асосий гуруҳ беморлари ва назорат гуруҳидаги профилактикада иштирок қилмаган 50 беморлар иштирок этди. Aсосий гуруҳдаги беморларда кўриш ўткирлигининг ошиши, ОКТ кўрсаткичларнинг яхшиланиши, кўриш фаолиятини субъектив яхшиланиши кузатилди. Шу билан бирга, назорат гуруҳи беморларида кўриш ўткирлигининг ёмонлашиши, ОКТ кўрсатқичларига кўра касалликнинг ривожланиши кузатилди, бу эса ЁБМДни кейинги босқичга ўтиш билан намоён бўлди. Хулоса: эрта босқичдаги ЁБМДни медикаментоз профилактикаси макула соҳасида патологик жараённинг ривожланишига қарши профилактик таъсир кўрсатади.
